Palet X
Prabu
Sardula Tedun Maperang
1.
Awurahan
ring pasébhan / ngamé-ngamé ring sang gusti / aja turun maring laga / saparwa
ngucap puniku / hana mantri bin asiwak / mojar pasti / ngiring turun maring
yuddha //
2.
Sugih
Liyang mangké mojar / yan mangkana arep gusti / ndatan turun maring laga / telas
nagara pukulun / ratu manados kawula / apang lalis / ngayap sukuné Sang Merak
//
3.
Wawu
mangrenga mangkana / abang muntab soca kalih / ih duta cangkah pwa kita / mangkana
ida maseru / raris ninggalin pasébhan / duta Sugih / kari manyeneng irika //
4.
Manehta
nganti wacana / saking tuwan Samong Gusti / mangda siddha tityang budal / wiréh
norana pamutus / saking susunan Sardula / para mantri / kocap kari mawurahan //
5.
Titanen
Sardulanatha / maring kahyangan angungsi / wismitascarya manahnya / nunggal
idep sabda bayu / mangda tan ampah malampah / sané mangkin / maminehang ring
adnyana //
6.
Tumedun
déwa hyangnira / tadanantara mawisik
/ bener saturé si duta / merak angéka Pamahyun
/ uduh pérmas aturuna / sané mangkin / tindihin nagara pérmas /
7.
Sigra
musna pawayangan / raris ida manganjali / jumujug ngambil pusaka / pedang sakti
jaya murub / ngaran Ki Srégala Mangap / ida mangkin / malih tedun ring gosana //
8.
Dhateng
ida nanggar pedang / para mantri wedi ngaksi / prabhu nugel bucun méja / raris
manguman maseru / kadi gereh nyander lemah / sira driki / sané tan arsa
mayuddha? //
9.
Tolih
paniskara ika / sané nénten nurut mami / mangkana pwa temahannya / matugel
durung mapadu / resepang suba jak konyang / mangda yukti / mami arep ateduna //
Mantri samuha pranata / tan wani lémpas ring gusti / sami nembah masemaya / pacang umagut sang ripu / sawus ngucapang sayaga / kéto yukti / Sugih Liyang dahat bagya //
Lanjutan cerita dapat dibaca di pranala berikut:
Palet I : Pamahbah
Palet II : Sang Adimantri Nunas Jagi Nelasang Satru
Palet III: Adimantri Merak Duka ring Sang Ratu Wangsana
Palet IV: Prabu Wangsana Ngicen Bala Domas Tali
Palet V: Adimantri Nglurug Jagat
Palet VI: Jagat Wetan Ngelidin Satru
Palet VII: Nareswari Mantuk ring Marga
Palet VIII: Mapaigum ring Pasingidan
Palet IX: Sugih Liyang Kaduta maring Macan Gading
Palet X: Prabu Sardula Tedun Maperang
Palet XI: Pratataning Gelar
Palet XII: Surat Tan Pasastra
Palet XIII: Bala Wadwa Gempung Gering
Palet XIV: Lunga Ngruruh Jemparing
Palet XV: Pangawit Yuddha ring Tasik
Palet XVI: Siat ring Kandara Bang
Palet XVII: Bala Wangsana Nunjel Dewek
Palet XVIII: Panglantur Siat ring Pasisi, Gusti pada Gusti Ngadu Kawisesan
Palet XIX: Panguntat
Komentar
Posting Komentar