Palet XVII
Bala Wangsana Nunjel Déwék
1. Mahésa né sampun drika / durus manyriokang
lengis / ring sakancan awak kapal / nénten kirang jatu muluk / kabrécét jeroning
kapal / wénten malih / kapuk katimbun di tengah //
2. Wadwa ngunggas boning minyak / katawurag
sami paling / sapa kang magawé corah? / napetang kapalé belus / mbonten belus
saking toya / nanging lengis / masréyog idah-idéhan //
3. Napi malih samirana / manuju genah
mabading / buka olas ka Sardula / tur mucingin wadwa Buluh / koné pidan angin
timpal / nanging jani / angin matemahan lawan //
4. Jengah manah Sang Mayura / musuh mangebug
ngerihin / katon ring tengah segara / makin parek nikang musuh / suryaké
matatangguran / nénten sipi / sami magagawan panah //
5. Makin jengah manahira / makwéh makta obor
api / raris Merak mapitarka / ada musuh bakat gugu / raris masinungan titah / Kebo
Geni / tur wadwané pang paténang //
6. Laut madabdab maperang / iniringin tabuh béri
/ para mantri nyinganada / tinularéng sahur manuk / meryam pedang tamyang panah
/ tur tomari / né mamogol tusing ada //
7. Yuyu Petak dané narka / mauk ngorang domas
tali / yén badé-badénin gelah / boya monto balan iku / satak sékét tali kuang /
yén selehin / satak duang dasa nika //
8. Wangsana durung umangkat / bala Macan
Gading prapti / amorod kapal matambang / sayukti kapal masambung / sané kakantenang
bala / yén puniki / besik puhun né lén nglalah //
9. Obor raris kasabatang / nguni-nguni panah
api / kasahutin déning lawan / aji jemparing ambentur / saling sahut ring
ambara / kadi wresti / heru masriyok tan asat //
10. Mapadu tempal-tinempal / suduk-sinuduk tan
mari / tan mari tujah-tinujah / panteg-pinanteg mapadu / bacok-binacok maghora
/ pug-empugin / anglides-lidesang lawan //
11. Sang sura laga ring rana / atalang jiwa
majurit / tan panolih kangin kawan / dyastun latig ya kapupug / lima pegat
batis pegat / tan ajerih / sadurung prana tan pegat //
12. Makara Wungu tan wusan / anémbak meryem
tur api / Yuyu Petak manitahang / wadwa tan surud magebug / Kebo Nala kalilihan
/ tengah api / raris nyeburin segara //
13. Bala makwéh pranantika / tur runtuhing
payoniddhi / kunapa rika mangambang / toyan tasik barak marus / undep swaran
ipun ombak / kalah saih / ring rana atikadbhuta //
14. Swaran kadga padha kadga / tur tomara
saling klenting / butul maring antarala / rasa Prabhapati umundur / makekes
ungkur jelada / natan wani / angaksi perang lumimbak //
15. Kalalung maring ranangga / mijil andilat
kang bahni / ring kapal wadwa Wangsana / di gelis manyander muluk / kapuk miwah
jatu drika / ikang geni / metu mangageng-ngagengang //
16. Kaya Ludra Geni napak / sarwa bhaksa ikang
geni / tan hana luput pinangan / ujwalaning geni agung / buka ngigel duur kapal
/ wadwa wedi / akéh makecog ka toya //
17. Madusdus dhumané kresna / nahan rumembes ka langit / ngiterang
sabyomangkasa / kasaputin dadi mendung / dungkapa galangé ilang / langit
mangkin / kinepungan andhakara //
Lanjutan cerita dapat dibaca di pranala berikut:
Palet I : Pamahbah
Palet II : Sang Adimantri Nunas Jagi Nelasang Satru
Palet III: Adimantri Merak Duka ring Sang Ratu Wangsana
Palet IV: Prabu Wangsana Ngicen Bala Domas Tali
Palet V: Adimantri Nglurug Jagat
Palet VI: Jagat Wetan Ngelidin Satru
Palet VII: Nareswari Mantuk ring Marga
Palet VIII: Mapaigum ring Pasingidan
Palet IX: Sugih Liyang Kaduta maring Macan Gading
Palet X: Prabu Sardula Tedun Maperang
Palet XI: Pratataning Gelar
Palet XII: Surat Tan Pasastra
Palet XIII: Bala Wadwa Gempung Gering
Palet XIV: Lunga Ngruruh Jemparing
Palet XV: Pangawit Yuddha ring Tasik
Palet XVI: Siat ring Kandara Bang
Palet XVII: Bala Wangsana Nunjel Dewek
Palet XVIII: Panglantur Siat ring Pasisi, Gusti pada Gusti Ngadu Kawisesan
Palet XIX: Panguntat
Komentar
Posting Komentar