Palet
XI
Pratataning
Gelar
1.
Wuwusen
mangké carita / satriya ring Macan Gading / sami tedun maketogan / saturut
titah sang prabhu / sami andel ring kawisan / sakti siddhi / ngamel wadwa
sowang-sowang //
2.
Sénapati
Yuyu Petak / inabih papatih sakti / dwang dasa tali wadwanya / patihnya Makara
Wungu / saktimanta ring sagara / balanyéki / duwang puluh tali tatas //
3.
Hana
malih sang kocapan / hana Kebo Nala Geni / dasa tali wadwanira / genep sanjata
prahu / dané pascat ring mariyam / muwah api / makarya keplug-keplugan //
4. Yéka pratata ning gélar / wadwa saking Macan
Gading / séket tali katunggalang / lawan wadwa Prabhu Lembu / sané anyusup
parwata / dasa tali / nem dasa tali samian //
5. Nem dasa lawan adomas / kéto satwanyané
rihin / kunang wadwaning Wangsana / asanggrahan ya ring celuk / rika kapalé
tinambang / sisin abing / né kukuh kadi laléyan //
6. Drika Kandara Bang kocap / Abing Barak
ngaran Cibi / Sang Merak drika mararyan / tan pasah bala manutut / wain-wainan
lumampah / jani dini / ngoyong malu mauadan //
7. Mang tali kapal tinambang / katekekang
mantri kalih / Kura Jati Kura Jata / pecak Macan Gading dumun / bonglot ring Merak
ngawula / dané kalih / manggala yuddha ring toya //
8. Lingnyané Sang Sugih Liyang / Merak tan
andel ring tasik /tan kadi wadwa Sardula / yan paksa angempung kidul / sinah
wadwanya kangélan / adoh gati / wus malaku tan rérénan //
9. Malih wadwané Wangsana / yan ajak luas
ring tasik / nora kuat makapalan / sinah gelem gempung mabuk / réh makocak ring
segara / kénten ilis / minab nika tan tinarka //
10. Kang anten Rakta Sardula / sanggup ngayah
nelik sandi / Samong Kirana arannya / wikan pradnyan listuhayu / masilum ka
Abing Barak / maya sakti / dadi wong jalu makliab //
Komentar
Posting Komentar