PALET XX
Panguntat
1. Sinah tityang matur kamsya / ring sang ugi
manyuryanin / mulingga nirjnana moha / nénten manggeh maring pupuh / ten lek
hulun mangakuang / tulis iki / alpa basa tan parasa //
2. Aksamayang Damuh pangkah / lancang maniru
sang kawi / engsap déwék tan payasa / kabeteng ring raga campur / sor ruhur Damuh
tan tatas / lédang ugi / wénten sané maningtingan //
3. Uyuk-uyuk manelasang / lelampan satwa
puniki / réh makahyunan masoja / nanging lintang tengah dalu / antyan tuhanku
sinembah / ring rancani / sané wawu kapascatang //
4. Ring tepining luwah asat / karéka ring
pondok alit / bayabyaning pamuncalan / kang sinelat déning parung / wawengkuné Banjar
Pandya / dangin carik / désan bata Turuk Ngandang //
5. Paksa galang kaping solas / adéng tasik
luwang siki / Posya masa tusta menga / yéki Ludra tan paguru / patatoyan Hyang
ring Dasar / dinten iki / subal karéka kasara //
6. Candra mapalas ring Jenar / solas dina
lintang wali / maring sanggah pakubonan / duk puniku nuhur Empu / Sira Sang
Sinuhun Pandya / saking Bangli / lédang munggah duké nika //
Komentar
Posting Komentar