Palet
IX
Sugih
Liang Kaduta maring Macan Gading
1.
Raris
runtuh pawacana / Sugih Lyang dinuta raris /
atangkila ring Sardula / akantén nunas panulung / rikala maparang muka /
apang siddhi / ngasorang Si Mantri Merak //
2.
Tan
wyabicaran punika / énjangnya lumaku laris / nuju Macan Gading pwa ya / boya
manututin henu / kéwala ambamodara / sigra prapti / durung bener Sang Pratangga
//
3.
Ri
sampun prapténg pasabhan / irika sira alinggih / para mantri lan kriyana / angob
ring duta puniku / apan ngamel kepet baka / ilih-ilih / anganti sang prabhu
mahyas //
4.
Atha
sampun dawuh karwa / turun prabhu cakrawrati / sira Sang Rakta Sardula / cinatra dé tedung agung / apalangka turut
sanga / maprastuti / sama nembah ring pasébhan //
5.
Tan
hana wani lumihat / sang kadi Amarapati / rep rep meneng sami nyumbah / maring
Ida Déwa Agung / wus alunggwéng singasana / sareng sami / ngélingang genah
sowangan //
6.
Sang
Bhupati mangandika / kita duta Lemah Geni / ujaren harepta datang / duga-duga
warah ingsun / Sugih Liyang aris mojar / sareng sami /mirengang sahur i duta //
7.
Tabé
tabé singgih tuwan / maneh sang naréndrapati / bhipraya nunas tulungan / saking
titah Prabhu Lembu / arsané nunggalang bala / sareng sami / magebug nambakin
Merak //
8.
Yéka
Merak sang kujana / marmitané ksatriyadi / lédang mangda matunggalan / lawan
bala prabhu nghulun / amales rusaking jagat / Pering Adi / sampun kasusup
awidya //
9.
Umegeng
Rakta Sardula / andeleng i duta Sugih / sakamantyan neher lingnya / ingsun tan
arsa tumedun / ingsun tan arsa malaga / apa alih? / kami nora ngelah dosa //
10. Sugih Liyang mojar banban / lédang tityang
muter indik / sakatatwannya I Merak / arsa nguwug Mong Nagantun / arsa
ngawirangang manah / ring Mong Gading / majalaran ngawé laga //
11. Saha mangéka dalihan / inucap ratu mabalik
/ maring linggih Sri Wangsana / apan sira anom kantun / sinah aluh kaujugang / domas
tali / ida mapaica bala //
12. Atakwan Sang Macan Barak / moh yan
mangkana sayukti / paran Lemah Gni rinusak? / ndatan panagaran ingsun? / sumahur
dé Sugih Liyang / réh Sang Mantri /simpang sira ring sasana //
13. Arepé nunggalang jagat / ngadeg dadi ratu
luwih / ika né kalokéng sarat / kaliput ban peteng pitu / tidem katon sarwa
sinang / loba mijil / sanagara kaarsayang //
14. Ujar Sang Prabhu Sardula / saja tuwanta
masingid? / mangelidin rananggana / saha satriyané rarud / makekes maring
parwata / kéto wreti / ané pirengang di jalan //
15. Pramantri nyeheng i duta / I Sugih Liyang
anyawis / tuhu bener samangkana / ngadésem Sang Samong Prabhu /ngelédék sinambi
mojar / ada gusti / taman mabéla ring praja //
16. Kita dhateng maka duta / nanging gustinmu
masingid / akon mami magelara / cecek kahilangan ikut / tedun kéh ingsun ring
laga? / buka jani / apa bareng masingidan? //
Komentar
Posting Komentar