Palet
VIII
Mapaigum
ring Pasingidan
1. Tan
kawarnanen irika / Kidang Kancana né mangkin / wus ngaturang raja suta / maring
Ida Prabhu Lembu / ngemeng-ngemeng dané mojar / duh sang gusti / santabiya tityang
iwang //
2.
Apan
tan siddha ngaraksa / narapatni duang diri / asiki pejah ring marga / asiki
lompat ring sumur / ageng dosan tityang natha / werat pati / mangkana ganjaran
nira //
3.
Umojar
Lembu Maruta / tan salah paman ring mami / yéka aywa sira glana / jalan mangkin
mapaigum / sareng mantri para sanak / mangulati / winaya ngarepin Merak //
4.
Atha
dhateng sandhya wéla / rahayu sami masingid / laris mapulung wadana / manggalané
Prabhu Lembu / Sugih Liyang saha sanak / makasami / mangucap Sang Merak dusta
//
5.
Dahat
angkara Sang Merak / nora karunya ring jadmi / amati-mati tan singsal / mangulah
kalebon amuk / nista solahé Sang Merak / tulya kadi / pandung mabhusana ménak
//
6. Hana ling Si Sugih Liyang / sajnya twan mami sang gusti / bener kaya saturanta / mangké Merak ngempung kidul / rika wenang minta sraya / Macan Gading / mrika tunggalang kang bala //
Komentar
Posting Komentar