Babad Pande - Pratata Lingga nikang Prajurit (Bagian IV)

Pratata Lingga nikang Prajurit

IV 

.....

Matangnyan kita santānaningsun, aywa tan angangkĕn asanak, amisan, aming rwa, tutur-tutur aja lupa, warah saprati santānanta wĕkas. Nghing rĕngwakna tiking mwah, sutaningsun saking prĕnah pamahyun, saking Ārya Kĕñcĕng kang masuking para déśa Parahupan. Kunang putraningsun mĕtu saking sang brahmāṇa, kalih jalwiśtrī, ika maka lakiné sang kakung Mahiga Wĕsi, sudhira sira sumĕṇdhi ratu ring Bali, wina gĕdhong rāt, kajana priya kawicakṣana nira. Lingira sang ratu amutĕring Bali ring sirārya Kapaṇdhéyan, apa ta lwirnya nihan.

Kita Ārya Kapaṇdhéyan, ingsun atitipi kita, pyagĕm surat iki. Didinya kita pagĕhing laku, pratyaga pradata kaliliran saking Wilwatikṭa, witanakna katama katĕmu sañah-ñahnira kayang kawĕkas. Kunang mwah sañah-ñahnira, ingsun anugraha tĕkaning lama-lama, aja anganggé badhé tumpang, 11, wnang kita anganggé badhé tumpang, 9, saulat-ulating kṣatriya, apan kita sungan ingsun, ingsun amutĕring rāt, apan hana arinira kaya ingsun amutĕring rāt, ya ta walik sirat kawĕnang amratéka wong. Lingira sang Mpu Rāja, haywa sang prabhu amunggĕl, sapanganggon sira Kapaṇdhéyan, wiréh sira Kapaṇdhéyan pinaka suśaktin sang prabhu, maka uriping manusa kabĕh, tisira hyang Brahmā ngūni, ngragayang pañca gni, maraga hyang Tiga, wĕnang sor wĕnang luhur, mangkana tataning Kapaṇdhéyan, yan sang prabhu angrapuhan, kĕna sang prabhu kala-kali, magĕburan ikang rāt, tan patindih kang catur janma, mangkana ling ingsun kang sinuhun ring sang prabhu, lingira sang prabhu, ring rakryan apatih, lurah, mwah punggawa mantrinira sadhaya, katama katĕmu pangandikan sang yayah, tan wnang sira angrambugan Sira Kapaṇdhéyan, apan Kapaṇdhéyan maraga, ANG, nga, guru réka, yan hana angrambugan, mwang angamét luh Kapaṇdhéyan, harĕp sira arabiya, kabratan sira, sakala niṣkala, élingakna linging śāstra iki.

PUPUT