Pratata Lingga Nikang Prajurit
Kawruhakna mwah katuturannya ngūni tosira saking Gélgél tumĕraping Toñjaha. Pira ta kunang totosira kabéh, tĕkan ing Tusan mwang Bungaya, didinyan piwruha pwa sira sakaṇdha kadhangira kabéh, kajaténing kawwanganya, kaliliranya saking Wilwatikṭa. Umĕtu ring Bangsul. Yan hana wong tan wruha, amrĕdo añipati, tahap, lamun hana wrat sak(ĕ)ti nĕm lakṣa ya ta wnang tinahapan, nghing turunakĕn surat iki. Didinyan prasama wruha ri kalinganya sang ratu, papatih, anglurah, mantri, jakṣa, katkéng jajĕnĕng ajĕgjĕg.
Yan tan ngarĕpin artha, maṣih kinonkon tinahap, ya kĕna sang kinonkon ri ngupadrawa, sāksat angĕcorin wong lĕwih. Wus amutus śridhaṇta mangka padhanya, tan wun inuṇdhanga dé ning sang hyang Yāmadhipati, apan dudu polahi ngapolah, rug tang nagara krama, apan tan aniṇdhihakĕn tang catūr janma. Yan ratu, mari ratu, yan patih, mari patih, yan lurah, mari lurah, yan mantri, mari mantri, yan kṣatriya, mari kṣatriya, yan brahmāṇa, mari kabrahmāṇannya. Jah tasmāt, wastu, wastu, wastu, pariwastu.
Ruṇdhah ikang nagara, dé ning
tan pakélingan, apan tan aniṇdhihakĕn ikang catur janma, tĕtĕs ring para yayi
ningsun sadhaya, mwah ring patih, parā nglurah, makādi sang brahmāṇa, katuhur
sapraptrané saking Wilwatikṭa. Wus sami nurut para punggawa, ri kapatūtan
pangandikan ingsun, tur kinasungan sawah mwang labak ring wukir, Blingbing, Saṇdha,
Muṇdhuk Kulkul, Muṇdhĕh, Ampadan, padha ring tĕmbung kulon, janma tĕkaning upĕti,
sadagingé sami kabéh. Sawah ika padha wéntĕn ring Basong, winih, 20. Wéntĕn
ring Tanggun Titi, winih, 100. Ring Braban, winih, 100. Wéntĕn ring Patĕmon,
winih, 150. Mwah ring Munggu, winih, 80. Ring Talikup, winih, 30. Ring Tojan,
winih, 40. Ring Sampalan, winih, 50. Mwah ring Klungkung, winih, 70.
Ya ta pwa wus kasinungan ring Lurah
Paṇdhé dé ning sun tĕkaning sañah-ñah ingsun salama-laminya. Ri wĕkasan arṣa
sang prabhu apuri ring Jruk, hana putran sang prabhu saking patih Ārya Kĕñcĕng,
jumĕnĕng ratu ring Jruk. Sirārya Paṇdhé tumūta śāsaṇa ring Jruk, tumuli
kasinungan sawah ring Batubulan, winih, 100. Wĕkasan malih sang prabhu ajro
ring Tĕgal Ambĕngan, wĕkasan sirārya Paṇdhé tumut ka Tĕgal Ambĕngan, magĕnah
ring Toñjaha. Pira kunang lawasnya, atiśaya ring prawira, ya hétunya kinasungan
kawula, nga, ring déśa Bukit, tĕkaning palahan mwang upĕti ipun.
Kwéhing janmanya, mwah
kasinungan carik ring Hyang Batu, winih, 45. Ring Carik Prahupan, winih, 25.
Malih ring Toñjaha, winih, 35. Ring Padhang Lwih, winih, 200. Ring Kayu Putih,
winih, 15. Ring Krobokan, winih, 90. Yatika ginama déné sañah ingsun sadaya,
salami-laminya. Kawruhakna mwah, hana lingira ki Ārya Mpu Śiwa Saguṇa, ring
saprati santānanira sadaya, apa ta lwirnya. Tinata sapratingkahnya ngūni, duké
sah pwa saking Wilwatikṭa, mara maring Bali, anglinggihin iwak pinggul, maka
turunanné alayara nitihing watang. Sapraptané ring kikisik ing Jambrana, tan
awas, tan hana katĕmu hawan, yadyapin déśa-déśa, tan hana pinangguh. Tumuli añusuping
alas agung. Sapta dintĕn soring latri, abayangan maring wana ukir, tinĕmpuh dé
ning jawuh, apan masaning śaśih kapitu, sumambur mĕtu ikang lalaron, saking
wiwaranya, anuju tawang. Tinūtutan ikang lalaron dé ningsun, anuli jumujug
ikang lalaron anglayang, atiśaya santĕpang layangnya, ingsun agĕlis anūt wuri
lakunya.
Ya hétunyan katĕmu dalan agung
lumiringa ngidul wétan. Kunang lalaron ika, tiba ring dalan agung, awaśana katĕmu
ki panakawan. Ngūni saking Wilwatikṭa sapaduluran. Dadya umuni ki panakawan.
Apa ta lwirnya, singgih radén, ring hĕndi parané radén katĕmu ingké. Dhuh
ingsun maring Bali Bangsul, kangélan sun añusup ring alas. Udhuh radén,
kamayangan radén dhatang, katĕmu dé nikang kawula, tanana siwah, kaya andika
radén. Iking wana tawa dahating masukĕt mwang madurgama, mangké yan kaping
singgih, radén aturin manira sumĕpĕra ring kubwan manira ring Jambrana, kawula
angiring andika. Mangkana pwa aturira pun panakawan duking Jambrana.
Tan kathākna, kari woyéng Jambrana,
tumuli ingwang lumakwa umungsi panagara Bangsul. Tan cariténg awan, wĕkasan
prapta maring Tusan, ya ta marmaning sun aśāsana maring Tusan. Mangké hana bhiṣaman
ingsun ring kita kabéh. Yan ring bésuk sira kaki aja ugi amangan iwak pinggul
katĕkéng lalaron, kĕna sodan ingsun, mangkana kéngĕtakna. Pawarah uga santānanta,
didinyan tan amuruga, tutur-tutur aywa lupa, apan hana bhiṣamaning hulun ring
kuna. Mangkana lingira sirārya Mpu Śiwa Saguṇa, anĕda ngiring prati santānanira
kabéh, amituhu kaya pawarah-warah sang adhi guru.
Pira ta lawasira, hana mwah lingira sirārya Mpu Śiwa Saguṇa ring prati santānanira kabéh, apa lwirnya nihan. Anak putun ingsun katĕkéng prati santāna kabéh, rĕngwakna pawarah mami mangké. Apan ingwan agya ninggali sira kabéh, didinyan kita padha tyakṣa ri kalingganing asasanak. Aja tan anangkĕn asanak, apan kita kawit atunggal, huwakakna talinganing rwa pangrĕngǝ. Sang aśāsana ring Toñjaha, putun ingsun pinih wayah, wit saking ingsun sirārya Mpu Śiwa Saguṇa, bibinya pinih wayah, sang amasuki ring Parahupan, maka lakiné putraningsun Ārya Kapaṇdhéyan adrĕwé putra ring Toñjaha.
Pinih wayah kakung, arinya śtrī kalih, angiring sutanya sirārya Pinatih, kang wuruju alaki ring putrané sirārya Patih Kĕñcĕng, ring Tambangan, prasiddha alaki aming rwa. Kunang mwah hana putun ingsun, putran Ārya Kapaṇdhéyan, sang aśāsana ring Tusan, kakung roro, bibiné saking Ārya Pinatih, lakinya sirārya Kapaṇdhéyan. Hana sutanira Ārya Kapaṇdhéyan, kakung, sah hanéng Bungaya, mwah śtrī sawiji, padha kari ring Bungaya. Né śtrī alaki ring misanné, putranyā Nglurah Bungaya. Kunang sirārya Kapaṇdhéyan, sira kari maring Jruk, wrĕddhi santāna. Ingsun sirārya Mpu Śiwa Saguṇa kari ring Gélgél. Santānan ingsun masuk ing saparadéśa-déśa midhĕr, lagi asanak amisan ka puruṣa, ariné Ratu Mahiga Wĕsi. Kwéh ariné umasuking dĕsā wara, 36, laki ingsun. Saking Lurah Tangkas maputra, 8, mwah saking Ārya Kĕñcĕng asuta, 7, mwah Saking Ārya Sĕntong, asuta kakung, 5. ,mwah saking Ārya Bléténg asuta kakung, 6. Mwah saking Ārya Waringin asuta kakung, 3, mwah saking Kuda Pangasih, asuta kakung, 2, mangkana ātmajaningsun samodaya, sumusup masuking déśa para.
mantapp sangat membantu
BalasHapus