Kakawin Sāgara Maṇika
Pupuh XI
1.
Sahurnira si nāgamīna mangucap ri sang bhūpati
Aminta ya sacihna yan tuhu narendra satyeng ujar
Měněng pwa sira Rāganātha ri dumehnya tan wruh cara
Ndya mangwihaga sojarannya tuhu nora madwāpara
2.
Ndatīta makětěr ikang ksititaleng dhasar sāgara
Prakampita dhasar tasik kaya marěp gya runtuh masor
Harohara watěk iwak sumarasah tatan wring laku
Watěk pěñu malih timinggila gělis gumingsir layū
3.
Hyu len huwur-uwur gěyuh kapalajěng lawan pay paling
Raris mětu luwang maring watu tigang pěluk gŏngika
Yathā pwa manguyup warih lawaṇa ring saraswat tiki
Makin lama makin kidhik juga niking warih ring tasik
4.
Něhěr syuraga glis mucap apa ta kāryaněn denyu hah
Luwang iku tutuk saking si kaki Kāla Śūnyāngrěgut
Harěpnya manguyup niking sajala ning samudrātělas
Paran sarama denta mangkya mangupāya satyeng ucap
5.
Nda rakwa kita yukti mahyunaněbus salah ring dangū
Gya cihna nika mangkya ring wiwara Kāla Śūnyāmangap
Asat pwa ya surud ikang jaladhi yan luwang tan tutup
Tathāpi kadělŏ těkapku kita tan hanotsāha tah
Komentar
Posting Komentar