Kakawin Sagara Manika
Pupuh III
1.
Nā Śrī Kumbha pasajña sang Karananātha sakalajana wus wěruh nika
Lāgyanwam mawayah ta sang ratu ri Rāgapura pitu likur tahun kurang
Līlātūt hiringing pasir kasěněngannira laju malayar ri sāgara
Nolah sang bramile běsur manahireng kuthanagara ri kāla ning dina
2.
Ndan duk Kārttikamāsa sang ratu lungeng pasisi manuju pewakan kidul
Ring sowan sira munggaheng banawa mās prayanira malayar mareng tasik
Pun Melěm mangiring Malen juga malih Guludawa masarěng Mrědah matūt
Byātītan satatā nikang palayaran tucapa lagi měne jalāntara.
3.
Maryak-ryak mangalun nikang bañu ri sāgara sinilirakěn hangin halus
Ombaknyārěja tur birū mapitutur si lara turida kāpti ning priya
Yan jātinya mawiphala pwa makěděh mangayam-ayama ring rarālalis
Tontoněn pwa ri wera ning paharungan kaya puniku katah wěnang salin
4. Mangkin manglalu lumba-lumba magirang sisi banawa maloñcatan halot
Lwir manwāgata sang rawuh kinira bandhunira těka sakeng tasik madoh
Mwang hyu prang mangigul migěl kadi baris humilu pěñu kaya migel rějang
Tan wring prapta punang hiwak mara luhur magana-gana ya wismayeng wulat
5. Jong sang nātha tinarka wāhana Bhaṭāra Jalapati sědhěng macangkrama
De ning warna mahā prabhāswara riněngga parada siněpuh hěmas maṇik
Yekā marmaṇira pranamya pranateng banawa lumaku ring luhurnira
Ring wus wruh sawatěk samudra dhu dudū śiwanira matěmah samāmubar
6. Ah līlārṣaja Rāgabhūpati dumehnya těka panalimur těñuh hati
Polih tamba lamur manahnya kasapuh dadi tuwi malilang mawistara
Ton tang dwīpa ri tungtunging mata nanging haticili kadělŏ sělat pasir
Mojar pun Tuwalen sěngguhnya yatha Nūsa Kanaka sědhěng-ing basanta tah.
Teks pupuh lainnya dari Kakawin Sagara Manika dapat diakses di sini: Ikhtisar Cerita
Komentar
Posting Komentar