Kakawin Sagara Manika Pupuh II

 

Kakawin Sāgara Maṇika

1.

Hana ta pamūrwa ning carita ring kikisik pangidul

Hana nagarī dahat prawara wirya subhāgya ri rāt

Kapuji ya Rāgakārana nikang nagareng carita

Masukasadā balanya mawibuh phala bhoga mawah.

2.

Hana dadi dhīwarālunga maring jala lūd mamukět

Hana mamayang malih ya mañěsěr mañawu pracala

Kěna sawatěk hiwaknya katadhah ri dhalěm ni jaring

Tingiri layur kakap bano malih balanak kakěna.

3.

Hana mamaring dapět pwa ya wurang masathewu sěsěk

Puputira mangkanālayara moliha ring pasisi

Hanakěbi jěg dhatěng raju hangambili mīna wurang

Lega parituṣta warga ri pasir sapangan kapěnuh

4.

Gya winasěhan hingolaha jatah sarapah kuluban

Ksana ri ratěng nikang hara bhinuktya lawan suta bi

Prakata ya nora kewala bhinojana denya dhawak

Hana dadi wedya tarpaṇa malih bali ring kayangaṇ

5.

Hana sanganěn malih dadi gěrang ri pasar ya dinol

Ya ta tukuněn těkap para janeng pěkěnan matumang

Dhatěnga ya sangka ring para dusun sumuyug matuku

Padha mangidham hiwak jaladhi mottama rěkwa luhung

6.

Hěněngakěne karamya nika ring těpi lod maramay

Kawuwusa mangkya sang narapatīngkana kapratita

Madana mañuksma ring tanu Surendra sakāla sira

Baju laluwěs prěmas prada riněngga marāga sěkar

Teks pupuh lainnya dari Kakawin Sagara Manika dapat diakses di sini: Ikhtisar Cerita