Pratata Lingga nikang Prajurit
Wĕkasan hana lingira Sira Mpu
Rāja Brahmā, mwang lingira sirārya Mpu Śiwa Saguṇa, ring sira sang rātu amutĕring
nagara Bangsul, apa ta lwirnya, nihan, sira kaki angiṇdhit ariné, dén suka
kaki, atingkaha, asanak amisan, katuturan sang yayah panuha ring gunung mkah,
ya ta prihĕn kayatnakna tingkahing akadang. Katĕkéng wĕkas, atata tata, tata
laku, yadyapi atata linggih, aja sor aja luhur, aja luhur aja sor, didinya ya
pwan kadulu mukā gawé pāpa pātaka malaning śarīra, amukti lawan kadhangé, élingakna
uga, ring wétbétan sira saking Wilwatikṭa, manawa kadang katuturana tékang rāt,
déśa para déśa wĕkas, tĕka bala sah ring déśa para déśa para, didinyan padha
wruhing laku, sopana tan kadalumuk, agawé pāpa pātaka ring awak, amukti lawan
kadangé.
Kunang sahurira sang prabhu ring Sira Mpu Rāja,
singgih pukulun, sang mahā pangĕmpwan anakira umiringa kaya sajña sang mahā guru, tabé tabé nama śiwaya. Didinyan tan kĕna kacakra
bhāwa, mwang tulah carik sarika kacakup kacampur, dhuh pangandikaning sang
yayah, dé ning pwangkulun. Yan tan hanā sanmata rahadyan sanghulun mangké,
manawa wyakti kalĕmpiran rānak rahadyan sanghulun, kamayangan andika mangkana.
Tĕhĕr tumuli angaturakĕn sĕmbah. Nahan lingira sang prabhu, tan asuwé moktah
lumiring sang Mpu Rāja, tan hana ingucap mwah.
Kunang sira sang
prabhu, agĕlis pwa sira añuratang gurit punang Manguri Gélgél,
kang ingaranan ki Kuda Pangasih kon anggurita. Lingira sang prabhu amutĕri Bali
ring Gélgél, hana ring sirārya ki Mpu Śiwa
Saguṇa, putranira dé sang Mpu Rāja. Surat maka tatĕkĕn kaprawirān, mwang ring
para yayinira sowang-sowang, hanané sirārya Kĕñcĕng kapatihan, aśāsaṇa ring Tabanan,
sakādi ring Tambangan. Kunang sirārya Bléténg, sira maring punduking jurang, tĕkaning
sapragunung. Kunang saprayayi nira wanéh, sami kaparahan. Hana aśāsaṇa ring Bungaya, hana
ring Tulikup, hana ring Kaphal, hana ring Tambahan, hana ring Kaba-kaba, hana
ring Kalyangĕt, mwah hana ring Sidĕmĕn, tangéh yan caritan, padha umasuking déśa
para déśa midĕr ring sawawĕngkwéng Bali, yata prasama totosing sang ratu, sang
amundĕring Bali ngūni, mangkana kacaritanya.
Aywa lupa aywa lali, makādi
putrané Ārya Mpu Saguṇa, saking sang prabhu, akakasih sirārya Kapaṇdhéyan.
Kunang sutané sirārya Kapaṇdhéyan akakasih pwa sira Lurah Kapaṇdhéyan. Ngūni
hana lingira sang prabhu, lawan sirā Nglurah Kapaṇdhéyan, apa ta lwirnya nihan.
Kaki anak ingsun Lurah Kapaṇdhéyan, rĕngwakna pawarah kami ring kita. Mangké
katĕkéng wĕkas, wĕnang kita amratingkah wong angamét panatak bahan, mwang
pangapin, mwang papiñcatan, lawan tutwangan, wĕnang sapratingkah sara mwang élingakna
uga sapanganggoning kṣatriyan, saulat-ulating kṣatriyan putusing sañah-ñahaning
kabéh, katĕkéng wĕkas. Aja arok kita, hĕlingakna kadadénta kṣatriyan, aja adoha
akadang-kadang, wĕnang kinumpulakĕn apan mulané sthiti sawiji andadi akwéh.
Sadoh-dohé akadang, muliha andadi ming ro, aja angangkĕna sanak aming tiga, wĕnang
amisan aming ro.
Kunang yan hana prati santānanta
angangkĕna ming tiga, yadyapin sadoh-dohnya, wong amuruga ngagu ngaranya, kĕna
sodan ingsun, bwating ngupadrawa, wastu, wastu, pariwastu, kĕna sodanira bhaṭāra
sinuhun. Kunang mwah santānanta apan padha madoh-dohan, pawarah juga ya katĕkéng
wĕkas, didinyan padha héling ring titi gagadhuhan, amagĕhakĕn kawwangan,
lamakanya padha asih akadang. Aja lipyéng akadang, kĕna upadrawa ningsun, kadi
banyū mili. Angupadrawa sarāt sabanyū mili, yan dumadi ya wong mangkana piwĕkas
ingsun ri prati santāna kabéh, kéngĕtakna uga pawarah ingsun, tutur tutur aywa
lali, pawarah ring prati santānanta, apan midĕr pagĕnahanya sadaya, lumimbaking
pulo Bali, titis ingsun kabéh, rĕngwakna mwah, tĕkaning lama-lami, aja sira lali
ring kamimitanta mwang kajātinta.
Apa duméhnyan, apan kita tiba
ring pradéśa déśa, saparan paran nggonya sañah ingsun, aywa angĕnanin, mwang
amañjingana, tan kari papĕjahan, mwang andosani tan yogya dosan mwang angĕnani
tan yogya kĕna, yadyapin hana dosa, tĕka wĕnang sinampura sapisan. Kunang yan
sadosa pindo, ping tiga, kayogyana tinuṇdhung ring déśa para satahun, aja
angrampasi sadrĕwyanya. Yan dhaṇdha sapisan, mabwat gung artha, 8000, dhaṇdhang
daka mantuk ring hyangnya. Kunang mwah yan wus tinuṇdhung, awalwi ta ya
mulihing kayéng kuna, wĕnang pwa mwah angélingi sadrĕwyanya kuna. Yan hana angosa-osahi
makādhi yan tan mangkana dé sang ginawé, yan ratu, mari ratu, yan patih, mari
patih, yan lurah, mari lurah, yan mantri, mari mantri, yan kṣatriya, mari kṣatriya,
yan brahmāṇa, mari brahmāṇa, mogha-mogha ruṇdhah tékanang rāt, pati salah pati,
ujar salah ujar, mogha acĕngilan, amĕsĕh lawan sanak misan.
Apa ta duméhnyan mangkana. Apan
tan wĕnang sañah manira, kĕna saurah-arih, satrĕhé ki Lurah Kapaṇdhéyan, apan bébéting
sang kṣatriya wit Majapahit. Kayogya dé né angélingakna angayah kāryaningsun,
akārya sarwa lalaṇdhĕp, salwiring sañjata, tumbak mwang kĕris, akārya sapisan
ngaśaśih, mwah angélingang kāla pawédhanira. Lyan ring mangkana sarājakārya
ningsun, sami padha luput. Mwah yan hana sakāryaning sadéśa-déśa, pangacining nagara
krama, tan kawĕnang, paśu, kabayan, patinggi, baṇdhĕśa, sĕdhahan, kasinoman,
pañarikan, aja angĕnani saulat-ulating akrama déśa, tĕkaning sañah-ñah ingsun.
Mangka sapari kramaningsun salami-lama, nahan kalinganya ri ngūni.
......
BERSAMBUNG
Komentar
Posting Komentar