Kakawin Sagara Manika XIV

 

Kakawin Sāgara Maṇika

Pupuh XIV

1.

Pan mūdhangku ya māwasāna wipati pwekang jagat tan sipi

Den lañcang kami mangrusak jaladhi duk pengin ri Děwī Maṇik

Ndan ring krodha nikang samudra magawe genggung manah tan hade

Yekojar Prabhu Kumbha tan hana malih pakseng molih Sang Maṇik

2.

Sang dwījendra lumūd mangandika maring Rāgendra de ning pěněd

Tunggal jāti nikang tasik ri jaba lan jro wwang maring lokika

Yan ring jro para janma ratnadukara wwayeng basang pwāgěnah

Tan doh sāgara ring śarīra kalawan toyādhi ring bhūhlaya

3.

Gambhīrālaya nāma ning pagěnahan aměrta ning rāt kabeh

Mwang ěmbas těka ning pějah sami kawit paścatnya ring sāgara

Nolah campuhaning hurip mrěta ni sarwa prāni ring sāgara

Hetunyan kita tan wěnang angiman-eman sāgareng jro jaba

4.

Len wwantěn pawěkasku ring kita yathā sang dyah maṇik tan hana

Mwang jātinya niking tasik juga manāma Dyah Maṇik Sākecap

De ning sarwa ni wastu ring bhuwana siddhopāyaněn ring tasik

Mwang Dewī Sakěcap ya kewala pañiptan duk mahas sāgara

Teks pupuh lainnya dari Kakawin Sagara Manika dapat diakses di sini: Ikhtisar Cerita