Kakawin Sāgara Maṇika
Pupuh VII
1.
Rakata lumampaheng wěni tapaknya luwir mañurat
Mañuratakěn lara-ng prabhu tininggalakěn suwadhū
Dukanira tan milang yadi manon kahayon ri pasir
Sira dhara kewalāndadi panamba lareng hrědaya
2.
Kawuwusa pun Twalen hana maring kikisik Sirangěn
Ri samipa ning pasir lakunirāgya dahat kasusu
Katěmu hana prasāda maka dewaharābhinawa
Ngka ta kadi lingga mūrti mapagěh dadi hindě ni rāt
3.
Rika hana panditānyapa matakwana ring Si Malen
Pragata těměn lakunta sapa kang riněrěh manusah
Gya si tinañan mangañjali něhěr mangucap saduga
Kawula dinūta manglarahakěn wanitā subhaga
4.
Saka ri paminta Rāgapati mangda gělis tiněmu
Tuhu-tuhu yan tatan tiněmu tan pira běndunira
Sama lěsu reh tatan tiněmu yadyapi wus masawur
Apa ta kurang nghulun mangudi sāgara ghora magŏng
Teks pupuh lainnya dari Kakawin Sagara Manika dapat diakses di sini: Ikhtisar Cerita
Komentar
Posting Komentar