Kakawin Sāgara Maṇika
Pupuh VI
1.
Byātītan Kumbhakatwang ri jaladhi wasitālungha mantuk ri sowan
Sāmpun praptāndarat wus pwa ri dinakara condong mangulwan tinonnya
Sowe tan pāntajinya ng Wiṣayapati masih pwa pralāpeng sukānyā
Kantun ring hagra palyat sira rara kadi norārṣa minggat saka ngka.
2.
Māpan wus mangkana Twalyan saha si wěka Měrdah kinon de narendra
Lunghāmrih sang hinaptyan ri gěnahi kuna maring bale mās kumambang
Lungguhnyāneng parěk Dwīpa Kanaka ri tělěng sāgara lwā maramya
Nghing duk pinrih mara ngka yaya salu kuna sāmpun milang nora kantun
3.
Ndan sang nāthāgya mangling ri si Guludawa lah māngkata pwa prayatna
Mwang pun Delěm parěng karwa suruhakěna Sangging Prabhāngkāra mangke
Konkoněn śīghra lungheng mariki manarimeng dum pakārya bwat-ingsun
Sājñā śrī rāja pun cāraka sayaga malakwing tuduh twanku ring ngong
4.
Nā sojar śrī narendreka tucapa si kalih lūd malakwa maring lor
Trus mangwetan dhatěng ring grěhanira Rahaden Citrakāreng samangko
Ton tang sangging sědhěng manglukisi ri sadaging sāgareng māsa lingsir
Sang roro tan kědap mandulu punika dahat manglangŏ ning panonton
5.
Tan kojar ring grěha citrakara wuwusa sang trīni māntuk ri rājya
Ling śrī bhūpatyakon citraka magawayakěn citra ning sang suputrī
Den lwir pangriñci ning sang aratu laju ki sangging hangārěmbha citra
Wus pwekang citra tan bheda nika sakadi cāyā si kanyā macarmin.
6.
Antyanta tusta Ragendra ri sapuput-ikang gambaran nirwikāra
Lūd sang nāthāngucap ring bala sadaya maring bañcingah Rāgarājya
Tūt tang mantrī prětagmānusa papadha manampākna sojar narendra
Sangsiptanyan makon sang bala lunga raju mamrih wadhū lwir cinitra
7.
Sāngkat mantrī maring mañca nagara laju deśāntara wus linampah
Prapteng Dhaha Kěling Singhakusuma Gěgělang len ri Bangsul lumawad
Kang ring Bangsul manyinggah mara pasisi Katewel ri Masceti Langkung
Mwang prapta pwe Sanur mwang juga gili Sirangěn kang samūhāyu yan ton.
Komentar
Posting Komentar